NON JAN ETA NON LO EGIN
FERMIÑENEA LANDAETXEA
- Telefonoa: 647 17 32 19
- Web orrialdea: https://www.ferminenea.com/reservas/
- E-posta:
AXERBURU LANDAETXEA
- Telefonoa: 696 31 73 37
- Web orrialdea: https://www.casasrurales.net/casas-rurales/axerburu-landetxea–c60747
HERRIKO OSTATUA JATETXE ETA HOSTALA
- Helbidea: Kale Nagusia p.k. 31746 Zubieta (NAFARROA)
- Telefonoa: 621 68 76 80
- Web orrialdea:
- E-posta: ostatua.zubieta@gmail.com
OHITURAK ETA BESTAK
Zubietako herriko festak abuztuaren 15ean ospatzen dira, Amabirjin egunean.
Baina seguruenik iñauteriak dira gehien ezagutzen diren bestak.
Ituren eta Zubietak elkarrekin ospatzen dituzte iñauteriak. Urtarrilako azkeneko asteko astelehen eta asteartean, eguerdi aldean, bi herriko joaldunak beraien desfilean hasten dira, astelehenean Iturenen, eta asteartean Zubietan.
Astelehenean, Zubietako joaldunak Iturenerantz abiatzen dira. Aurtizko auzora iristean, eta auzo horretako joaldunekin elkartu ondoren, Latsagako auzo aldera joango dira, eta “Zubiburu” parajean dagoen zubi gainetik pasa ondoren, Iturengoekin elkartu. 40-50 joaldunek Iturengo herriari itzulia emanen diote gero, 80-100 zintzarriren soinupean. Itzulia herriko plazan bukatzen da.
Hurrengo egunean, asteartea, Iturengo joaldunak Zubietara etortzen dira, eta hemengoekin elkarturik, herriari itzulia ematen diote.
Joaldunak bi lerrotan desfilatzen dute, mugimendu ritmiko eta pausatuekin, zintzarrien doinu bateratua lortuz. Naturari estu lotutako errito baten itxura hartzen du desfileak.
Lehenengo lerroan dagoen joaldunetako batek, adar bat jotzen du noizbehinka eta ohiu batzuk egin, horrela desfileari erritmoa jarriz.
Uste da, zintzarriekin lortzen den soinuarekin espiritu txarrak uxatzen direla eta inguruko lurretan lo dauden energiak iratzarri.
Pertsonai hauen jantziak bereziak dira: abarkak oinetan, ardi larrua bizkarrean, koloretako painuluak lepoan, zintaz betetako txapel koniko bat, zaldi ilez egindako isopo bat eskuan, eta bi zintzarri erraldoi gerrian lotuak.
Ituren eta Zubieta 3 kilometroz banatuta daude, eta nahiz eta biak joaldunen sorterriak izan, bakoitzak bereizgarri ezberdinak ditu zintzarriak mugitzeko moduan eta jantzietan.
Urtarrilaren 17an San Anton eguna da. Meza bat ospatzen da ermitan eta gero dantzaldia izaten da herriko plazan.
ZER IKUSI
Zubietako puntu turistiko nagusia Errotan dagoen Ekomuseoa da.
1785ean eraikia izan zen. Erabat eraberritua, gaur egun oraindik martxan jarraitzen du, antzinako ehotze modua erabiliz.
Beheko solairuan hiru errotak martxan daude, bi artoa ehotzen eta hirugarrenak garia.
Errotak artoaren ehotze lana pertsonalki ikusteko aukera ematen die bisitariei.
Horretaz aparte, herriko objetu etnografikoak biltzen dituen erakusketa ikus daiteke, bertan bilduz egurrezko eskulanak, antzinako lan egiteko tresnak, eta noski, ihauterietako hainbat ezaugarri.
Bukatzeko, filmak ikusteko gela eta denda daude.
Errota bisitatzeko ordutegia:
- Asteazkenetik ostiralera, 10:00etatik 14:00etara 16:00tatik 17:30tara Astelehena eta asteartea itxita.
Telefonoa: 948 45 19 26 – 624 40 66 07 Internet erreserbak web
Bertze puntu interesgarrietako bat Asunzion eliza dugu, herriaren gainaldean kokatua.
San Antonio de Abaden ermita herriaren kanpoaldean aurkitzen da, bere barruan San Juan Bautistaren irudia gordetzen duelarik, izen bereko ermitatik ekarria hau desagertu zenean.
Eta bukatzeko, herriaren sarreran antzinako garbitegi bat aurkitzen da, duela gutxi eraberritua. Irudi honekin gure arbasoek erabiltzen zuten garbitzeko era gogora dezakegu.
ZUBIETAKO MENDI IBILBIDEAK.
Zubietak baditu paraje eta inguru ederrak. Haiekin disfrutatzeko hemen gure mendi ibilbideen proposamena: